Нууцлалын бодлого

1. Бидний цуглуулдаг мэдээлэл

• Бүртгэл: нэр, и-мэйл хаяг, утасны дугаар, нууц үгийн шифрлэгдсэн хувилбар, хүсвэл профайлын зураг.
• Сургалт, шалгалтын бүртгэл: суралцагчийн эцэг, эхийн нэр, өөрийн нэр, регистрийн дугаар, төрсөн огноо, хүйс, олон улсын сертификатад бичигдэх латин нэр.
• Төлбөр: захиалгын дүн, төлбөрийн төлөв, И-баримт авах төлөгчийн төрөл (иргэн эсвэл байгууллага), байгууллагын регистрийн дугаар.
• Танхим, хамтын оффисын захиалга: сонгосон өдөр, цаг, танхим.
• Санал хүсэлт: таны бичсэн текст, нэр, холбоо барих мэдээлэл.
• Техникийн мэдээлэл: IP хаяг, хөтчийн төрөл. IP хаягийг зөвхөн аюулгүй байдлын зорилгоор ашиглана.

2. Юунд ашигладаг вэ

• Үйлчилгээ үзүүлэх: бүртгэл баталгаажуулах, суудал хуваарилах, танхим захиалах, сертификат олгох.
• Төлбөр хүлээн авах. И-баримтыг манай нягтлан таны өгсөн төлөгчийн мэдээллээр олгоно.
• Танд мэдэгдэл илгээх: захиалгын төлөв, сургалт эхлэх сануулга, шалгалтын мэдээлэл, санал хүсэлтийн хариу.
• Аюулгүй байдал: зөвшөөрөлгүй хандалт, автомат халдлагаас хамгаалах.
• Бид хувийн мэдээллийг сурталчилгааны зорилгоор гуравдагч этгээдэд зардаггүй.

3. Хэнд дамждаг вэ

• QPay: төлбөр хийхэд шаардлагатай захиалгын дүн, дугаар.
• И-мэйл, SMS илгээх үйлчилгээ үзүүлэгч: мэдэгдэл хүргэхэд шаардлагатай хаяг, дугаар.
• ICDL, ITPEC, TOPCIT зэрэг олон улсын шалгалтын байгууллага: сертификат олгоход шаардлагатай хэмжээгээр.
• Хуулиар шаардсан тохиолдолд эрх бүхий байгууллага.

4. Хадгалах хугацаа

• Бүртгэлийн мэдээллийг таны данс идэвхтэй байх хугацаанд хадгална.
• Төлбөрийн бүртгэл, төлөгчийн мэдээллийг санхүү, татварын хууль тогтоомжид заасан хугацаанд хадгална.
• Сертификатын бүртгэлийг сертификат хүчинтэй эсэхийг шалгах боломжтой байлгах зорилгоор хадгална.

5. Күүки

• itp_session: таныг нэвтэрсэн байдлаар хадгалах зайлшгүй күүки.
• itp_authed: нэвтэрсэн эсэхийг харуулах туслах күүки.
• NEXT_LOCALE, itp-theme: сонгосон хэл, харагдах байдлыг санана.
• Эдгээр нь бүгд үйлчилгээг ажиллуулахад шаардлагатай. Бид сурталчилгааны болон хяналтын күүки ашигладаггүй.

6. Таны эрх

• Өөрийн мэдээллийг порталын Профайл хэсгээс үзэж, засварлах.
• Мэдээллээ устгуулах, ашиглалтыг хязгаарлуулах хүсэлтийг доорх хаягаар гаргах.
• Бид хүсэлтэд хуулиар тогтоосон хугацаанд хариу өгнө.

7. Холбоо барих

• Мэдээллийн технологийн үндэсний парк, Улаанбаатар-210646, Сүхбаатар дүүрэг, Бага тойруу-49.
• И-мэйл: info@itpark.mn
• Утас: (+976) 11-327123