Мэдээллийн технологийн үндэсний паркийн цахим хуудсанд зочилж буй Та бүхэнд энэ өдрийн мэндийг хүргэе.

Мэдээллийн технологийн үндэсний парк нь инноваци, технологид суурилсан гарааны бизнесүүдийг дэмжих, тэдгээрийн өрсөлдөх чадварыг нэмэгдүүлэх, олон улсын зах зээлд гарах боломжийг өргөжүүлэх чиглэлээр үйл ажиллагаа явуулж байна.

Бид өнгөрсөн хугацаанд инкубаторын хөтөлбөрөөр дамжуулан 182 гарааны бизнесийг бойжуулж, 480 гаруй бүтээгдэхүүн, үйлчилгээ хөгжүүлэхэд дэмжлэг үзүүлэн, 4,512 ажлын байр бий болгоход хувь нэмрээ оруулсан. Энэ нь Монгол Улсад мэдлэгт суурилсан эдийн засаг, инновацийн экосистемийг хөгжүүлэх бидний хамтын хүчин чармайлтын үр дүн юм.

Өнөөдөр технологи, хиймэл оюун ухаан, дижитал шилжилтийн эрин үед Монгол залуус, инженер, судлаачид, бизнес эрхлэгчдийн бүтээлч санаа, шинэ шийдэл дэлхийн зах зээлд өрсөлдөх бүрэн боломжтой болжээ. Энэхүү боломжийг бодит үр дүн болгон хэрэгжүүлэхэд төр, хувийн хэвшил, эрдэм шинжилгээний байгууллага болон олон нийтийн хамтын ажиллагаа онц ач холбогдолтой.

Мэдээллийн технологийн үндэсний парк нь технологийн хөгжилд хувь нэмрээ оруулахыг зорьж буй хүн бүрт нээлттэй байж, шинэ санаа, бүтээлч шийдэл, инновацийг дэмжин ажиллах болно.

Монгол Улсын мэдээллийн технологи, инновацийн салбарын хөгжлийг хамтдаа бүтээлцэж буй хамт олон, түнш байгууллагууд болон нийт харилцагчдадаа чин сэтгэлийн талархал илэрхийлье.