МЭДЭЭЛЭЛ, ТЕХНОЛОГИЙН ҮНДЭСНИЙ ПАРКЫН ХАМТ ОЛОН
Сайн байна уу? Бүтээлч, нээлттэй ITPark-н албан ёсны веб хуудсанд тавтай морилно уу. ITPark нь Монгол улсын хэмжээнд төрийн зүгээс мэдээллийн технологи, инновацийг хөгжүүлэх эрхэм үүргийг хүлээсэн ААТҮГ юм. Манай бүтээлч хамт олон Монгол улсын Старт-Ап эко системийг хөгжүүлэхэд хувь нэмрээ оруулахаар чармайн ажиллаж байна. Та сурагч, оюутан, мэргэжилтэн, инженер, эрдэмтэн, бизнесмен гээд хэн ч байсан бидний үүд хаалга нээлттэй бөгөөд бүтээлчээр хамтран ажиллана гэдгээ илэрхийлэхэд таатай байна. 2017 онд ITPark дэлхийн өндөр хөгжилтэй улс гүрнүүдийн технологийн хөгжлийг гүйцэх, зэрэгцэн алхах зорилгоор үйл ажиллагаандаа бодлогын томоохон шинэчлэлүүдийг хийсэн ба 21 аймаг 9 дүүргээ холбосон оюуны торгоны замыг бүтээн Монгол хүн бүрд энтрепренёр сэтгэлгээг таниулан нутагшуулахаар зориод байна. 10 жилийн дараа, 30 жилийн дараа Монгол улсын мэдээллийн технологи дэлхийн хаана байх вэ? Энэ асуултын хариултыг миний мэндчилгээг цаг гарган уншиж буй уншигч таны чин сэтгэл, өөдрөг тэмүүлэл өгөх юм. Монголчууд бид Оюу толгойгоо биш Оюун ухаанаа ухах цаг нэгэнтээ иржээ. Таны ажил үйлсэд амжилт хүсье.
ИННОВАЦИ, ТЕХНОЛОГИ, СУДАЛГАА ХӨГЖҮҮЛЭЛТИЙН ХЭЛТЭС
Монгол улсын дижитал шилжилтийн үндсэн хурдасгуур нь МТҮП байна гэж харж байна... Учир нь МТҮП дээр бүрэлдэх МТ-ийн инновацийн экосистемээс мэдээллийн технологи, инновацид суурилсан бүх л шилдэг санаа, бүтээгдэхүүн, үйлчилгээ төрж, эдгээр санаа, бүтээгдэхүүн үйлчилгээг хурдтай, хүчтэй энтерпренёрүүд маань зах зээлд нэвтрүүлдэг тогтолцоог бий болгохын төлөө манай баг хичээн ажиллана.
Инноваци бүтээж дэлхийн улс орнуудтай өрсөлдөх чадвараа нэмэгдүүлэх Монголын олон мянган залуусыг дэмжих, гарааны компаниудын эко-системийн тогтолцоог бүрэлдүүлэхээр ажиллаж буй Think Tank баг.
ТӨСЛИЙН УДИРДЛАГА, СУРГАЛТ МАРКЕТИНГИЙН ХЭЛТЭС
Мэдээллийн технологийн хөгжлийг тодорхойлох үндэсний хэмжээний томоохон төслүүдийг хэрэгжүүлэх хэлтсийн нэгэн бүрэлдэхүүн хэсэг болон яваадаа би баяртай байдаг. Манай хэлтсийн хамт олон нэгэн гайхалтай чанар байдаг нь тэд бүгд үнэхээр бүтээлч залуус. Манай хэлтэс 2017 онд шинээр байгуулагдсан ба мэдээллийн технологийн боловсролыг Монгол улсын иргэн бүрт эзэмшүүлэх, салбарын хүний нөөцийн ур чадварыг төгөлдөржүүлэх, үндэсний хэмжээний томоохон төсөл хөтөлбөрүүдийг хэрэгжүүлэх үндсэн чиг үүрэгтэйгээр бид гар нийлэн ажиллаж байна. Монголчууд бид мэдээллийн технологид суурилсан бүтээлч шийдлээрээ дэлхийд гайхагдах цаг тун удахгүй гэдэгт би туйлын итгэлтэй байна.
Ирээдүйг зөгнөх хамгийн шилдэг арга бол түүнийг бүтээх юм.
Мэдээллийн технологийн салбарын чадварлаг хүний нөөц, залуу энтрепренёруудыг бэлтгэх, салбарын хөгжлийг түүчээлэх төсөл хөтөлбөр хэрэгжүүлж олон улсын байгууллагуудтай хамтын ажиллагааг ханган ажилладаг хамт олонтой танилц.
ЗАХИРГАА, УДИРДЛАГЫН ХЭЛТЭС
Мэдээлэл, технологийн үндэсний паркын захиргаа, удирдлагын хэлтэс нь паркын өдөр тутмын хэвийн тасралтгүй үйл ажиллагаа явуулах нөхцлийг бүрдүүлэх үүднээс захиргаа, хөрөнгө санхүү, аж ахуй, хүний нөөцийн олон талын харилцааг зохицуулан ажиллаж байна. Бид бүтээлч, нээлттэй парк, эвсэг дотно хамт олныг бүрдүүлж бэхжүүлэхийн төлөө хүчин зүтгэж байгаадаа баяртай байна.
Монгол залуус дэлхийд үнэлэгдэж, монголын анхны мэдээллийн технологид суурилсан бизнесээр дэлхийн тэрбумтанг төрүүлэхэд арын албанд нь чармайн ажиллаж буй хамт олон юм.